Lajmet

Asociacioni i Gazetarëve të Kosovës fton gazetarët që janë të përkushtuar për gazetarinë e paqes dhe duan të bëjnë ndryshime. Jemi në kërkim të gazetarëve të dedikuar dhe entuziastë për programin tonë të ri të Gazetarisë së Paqes. Kjo është një mundësi e mirë për të përmirësuar aftësitë tuaja, duke zbuluar mundësi të tjera dhe duke dhënë kontribut në një projekt domethënës.

Pse duhet të aplikoni?

1. Përmirësimi i aftësive: Do të bëheni pjesë e trajnimeve me ekspertë për pëmirësimin e aftësive në gazetari;
2. Përvojë ndërkombëtare: Udhëtim në Irlandën Veriore për vizitë studimore. Mundësi për prespektiva të reja dhe pasurim të raportimit me përvoja në terren nga një kulturë tjetër;
3. Punë e përbashkët: Bashkëpunim me kolegë nga Irlanda Veriore për të krijuar raporte gazetareske.

Pikat kryesore të programit

Takim Online: Sesione online që përfshijnë aspekte të ndryshme të gazetarisë, duke përfshirë raportimin e ndejshëm për konfliktin, ballafaqimin me të kaluarën dhe gazetaria e paqes

Vizita studimore: Do ta keni mundësinë të përjetoni ambientin e të bërit gazetari në Irlandën Veriore, duke mësuar më shumë për çështje rajonale dhe teknika të raportimit

Përmbajtje e përbashkët: Do të bëheni ekip me gazetarë nga Irlanda Veriore për të prodhuar përmbajtje multimediale, duke ofruar perspektiva diverse.

10 gazetarë do të përzgjedhen për programin. AGK, inkurajon gazetarët nga të gjitha komunitetet, prejardhjet, gjinitë, racat dhe identitet që të aplikojnë dhe të japin kontributin e tyre në program.

Afati i fundit: 11 korrik, 2024, 16:00.

https://t.ly/paOq1

----
Projekti Gazetaria e Paqes financohet nga Ministria e Punëve të Jashtme, Komonuelthit dhe Zhvillimit të Mbretërisë së Bashkuar përmes Ambasadës Britanike në Prishtinë.