Kërcënim ndaj Radio Gorazhdeci, Pejë, 28.3.2025
Asociacioni i Gazetarëve të Kosovës - AGK, ka pranuar me shqetësim fushatën denigruese të drejtuar kundër radios në gjuhën serbe Radio Gorazhdeci (Goraždevac), me seli në komunën e Pejës.
Sipas raportimeve, një portal me emrin SrpskiGlas.rs ka publikuar një artikull në të cilin bëhet thirrje për bojkotimin e këtij mediumi, me arsyetimin se “janë në shërbim të Kosovës së pavarur”.
Kryeredaktori i Radio Gorazhdeci, Darko Dimitrijeviq (Darko Dimitrijević), ka deklaruar se mediumi që ai udhëheq gjithmonë ka vepruar në mënyrë profesionale, objektive dhe në përputhje me ligjet dhe Kodin e Etikës së Gazetarisë.
“Ky sulm ndaj punës sonë nuk është vetëm përpjekje për shpifje, por edhe një kërcënim serioz për sigurinë, pasi një targetim i tillë mund të paraqesë rrezik real për të gjithë ata që punojnë në Radio Gorazhdeci, sidomos gjatë udhëtimeve drejt Beogradit apo qyteteve të tjera”, ka deklaruar Dimitrijeviq.
AGK-ja e dënon fuqishëm këtë lloj targetimi dhe kërcënimet pasuese që rrezikojnë sigurinë fizike të gazetarëve të këtij mediumi. Gazetarët duhet të lejohen të bëjnë punën e tyre pa pengesa dhe pa u frikësuar.
| Detajet e raportuesit | Kërcënim ndaj Radio Gorazhdeci, Pejë, 28.3.2025 |
|---|---|
| Rastet Përshkrimi | Asociacioni i Gazetarëve të Kosovës (AGK) ka dënuar fushatën denigruese të drejtuar kundër radios në gjuhën serbe, Radio Gorazhdeci, me seli në Pejë. Fushata është nxitur nga një artikull i publikuar në portalin SrpskiGlas.rs, i cili bën thirrje për bojkotimin e këtij mediumi me arsyetimin se “janë në shërbim të Kosovës së pavarur.” |
| Shteti | Kosovë |
| Emri dhe Mbiemri | |
| Gjinia | Grup |
| Data | 28.3.2025 |
| Qyteti | Pejë |
| Lloji i incidentit | Kërcënimeve kundër medieve dhe organizatave mediale |
| Nga Kush | |
| Shkelësi / i dyshuari | SrpskiGlas.rs |
| Lloji i Medias | Radio dhe Televizion |
| Emri i Medias | Radio Gorazhdeci |
| Burimi | Radio Gorazhdeci |
| Prokurori Publik | |
| Gjyqësor | |
| Statusi gjyqësor | |
| Përfundimi ligjor | |
| A është njoftuar asociacioni i gazetarëve? | Po |
| A është raportuar incidenti tek policia? | |
| A është raportuar incidenti në prokurori? | |
| Reagimi i asociacionit të gazetarëve | AGK-ja e ka dënuar ashpër këtë targetim dhe kërcënimet që rrezikojnë sigurinë fizike të gazetarëve, duke kërkuar që ata të lejohen të punojnë pa frikë dhe pengesa. |