Lajmet

Kohëzgjatja e kontratës: 5 muaj me mundësi vazhdimi

Orari: i plotë

Rreth organizatës

Asociacioni i Gazetarëve të Kosovës (AGK) është organizatë joqeveritare, që ka për mision promovimin, inkurajimin dhe përmirësimin e gazetarisë cilësore dhe të hapur në Kosovë, si dhe pozitën e gazetarëve në Kosovë.

Qëllimi i pozitës

Asistimi në koordinimin e projekteve si dhe përpilimi i propozimeve për projekte të reja.

Detyrat:

- Asiston Koordinatorin në realizimin e projekteve;

- Përpilon njoftimet e ndryshme periodike për donatorët e projekteve;

- Përkthen njoftime të iniciativave të ndryshme për donatorët e projekteve dhe materiale të ndryshme;

- Bën mbikëqyrjen dhe kontrollimin e materialeve të të gjitha llojeve lidhur me projektet;

- Merr pjesë në mbikëqyrjen e aktiviteteve të ndryshme që realizohen gjatë projekteve;

- Bën raportime të ndryshme rreth aktiviteteve, raportime periodike, statistikore;

- Gatishmëri për të ndihmuar rreth kërkesave të stafit të AGK-së.

Atributet:

- Kualifikim akademik në gazetari, shkenca juridike, politike apo integrime evropiane;

- Përvojë në koordinimin e projekteve dhe gazetari;

- Komunikim efektiv (gojor dhe të shkruar) në gjuhën shqipe dhe angleze. Njohja e gjuhës serbe është përparësi;

- Vet-iniciativë në qasje ndaj punëve;

- I/e pavarur në kryerjen e detyrave.

Për të aplikuar për këtë pozitë ju lutem dërgoni CV-në tuaj dhe letrën e motivimit në office@agk-ks.org. Do të konsiderohen vetëm aplikacionet e kompletuara.

Konkursi është i hapur deri më 06 janar 2019. Vetëm kandidatët të cilët do të përzgjidhen në listën e ngushtë do të ftohen në intervistë.