Petrit Çollaku emërohet drejtor i AGK-së
Foto: AGK logo
Prishtinë, 05.06.2018 - Asociacioni i Gazetarëve të Kosovës ka emëruar Petrit Çollakun - drejtor ekzekutiv të AGK-së.
Emërimi i z. Çollaku në detyrën e re është bërë me unanimitet të plotë nga Bordi i AGK-së, bazuar në nenin 7 paragrafi 2 nënparagrafi 11 të Statutit të AGK-së.
Ai prej dy vitesh ka mbajtur pozitën e hulumtuesit të lartë në Asociacionin e Gazetarëve të Kosovës. Çollaku ka kryer detyrën e hulumuesit me përgjegjësi të lartë si dhe ka treguar përkushtim në punë. Ai ka luajtur rol të rëndësishëm në rritjen dhe konsolidimin e organizatës dhe përfaqësimin e saj.
Petrit Çollaku prej shumë vitesh ka punuar gazetar në Kosovë.
05.06. 2018
Bordi i AGK-së
