Rrjeti SafeJournalists, Koalicioni për Lirinë e Medias dhe AIEM: Kërkojmë veprim të menjëhershëm nga autoritetet serbe përballë kërcënimeve brutale ndaj gazetarit Nenad Kulačin dhe vajzës së tij
Rrjeti SafeJournalists, Koalicioni për Lirinë e Medias dhe Asociacioni i Mediave të Pavarura Elektronike (AIEM) dënojnë ashpër kërcënimet brutale ndaj gazetarit Nenad Kulačin dhe vajzës së tij, të bëra përmes rrjetit social X nga llogaria @Alek_Patriota.
Pas një komenti të publikuar nga Kulačin në këtë platformë ditën e djeshme, përdoruesi @Alek_Patriota iu përgjigj me një mesazh të tmerrshëm:
“Ta ** vajzën tënde... plehë i ndyrë.”
Kërcënime kaq të neveritshme dhe thirrje për dhunë seksuale ndaj fëmijës së një gazetari përbëjnë një shkelje ekstreme të sigurisë dhe një përpjekje të qartë për frikësim – jo vetëm ndaj Nenad Kulaçinit, por ndaj të gjithë gazetarëve që raportojnë në mënyrë kritike dhe shprehin lirshëm mendimet e tyre në publik.
Këto kërcënime përbëjnë vepër penale që duhet të ndiqet penalisht pa vonesë. Fakti që ato janë drejtuar ndaj një fëmije të një gazetari e bën këtë rast veçanërisht të rëndë. Kjo është një vijë e kuqe që asnjë shoqëri nuk duhet ta tolerojë.
Rrjeti SafeJournalists, Koalicioni për Lirinë e Medias dhe AIEM i bëjnë thirrje Prokurorisë për Krimin e Lartë Teknologjik dhe Ministrisë së Brendshme të Serbisë të identifikojnë dhe ndjekin penalisht urgjentisht personin që qëndron pas llogarisë @Alek_Patriota dhe të garantojnë mbrojtje për Nenad Kulaçin dhe familjen e tij.
Gjithashtu, u bëjmë thirrje të gjitha institucioneve përkatëse dhe zyrtarëve të lartë të shtetit të dënojnë publikisht këto kërcënime dhe të mbështesin gazetarët, pasi heshtja ushqen një kulturë pandëshkueshmërie dhe normalizon dhunën ndaj punonjësve të medias.
Mungesa e reagimit institucional përballë kërcënimeve të tilla e thellon më tej atmosferën e pasigurisë. Pandëshkueshmëria e këtyre akteve jo vetëm që inkurajon autorët e dhunës, por shkakton pasoja afatgjata dhe shkatërruese për mbarë shoqërinë. Kur institucionet nuk reagojnë, dërgohet një mesazh se dhuna, mizogjinia dhe gjuha e urrejtjes janë mjete të pranueshme për të shtypur mendimin ndryshe. Një mjedis i tillë minon besimin e publikut te institucionet, rrënon sundimin e ligjit dhe e zbraz nga kuptimi luftën për të drejtat dhe liritë themelore të njeriut.
Sulmet ndaj gazetarëve – veçanërisht ato që përfshijnë anëtarët e familjes së tyre – përbëjnë një kërcënim të drejtpërdrejtë ndaj lirisë së shprehjes dhe të drejtave themelore të njeriut. Kjo dhunë duhet ndalur – me vendosmëri, menjëherë dhe pa asnjë kompromis.
SafeJournalists Network: Association of Journalists of Kosovo, Association of Journalists of Macedonia, BH Journalists Association, Croatian Journalists’ Association, Independent Journalists Association of Serbia, Trade Union of Media of Montenegro
The Coalition for Media Freedom: the Association of Media, the Association of Online Media (AOM), the Independent Association of Journalists of Vojvodina (NDNV), the Independent Journalists’ Association of Serbia (NUNS), the Business Association of Local and Independent Media “Local Press”, the Slavko Curuvija Foundation and Branch Trade Union of Culture, Arts and Media ‘Nezavisnost’
The Association of Independent Electronic Media (AIEM)
