Lajmet

SafeJournalists dhe MFRR: Konfrontimi fizik me gazetaren në Serbi është i papranueshëm dhe duhet të dënohet


3320-title

Rrjeti i SafeJournalists dhe Platforma MFRR dënojnë ashpër sjelljen e autoriteteve lokale në Ingjija, të cilët e larguan me forcë gazetaren, Verica Marinçiq, nga ndërtesa e komunës dhe e penguan atë të kryente punën e saj. I bëjmë apel organeve kompetente që të hetojnë këtë incident në të cilën mbeti e lënduar gazetarja.

Gazetarja e portalit “In media” nga Ingjija, Verica Marinçiq, u dëbua nga ndërtesa e komunës së Ingjijës, pasi “nuk ishte në listë” për të monitoruar konferencën në lidhje me protestën e banorëve kundër shfuqizimit të stacionit hekurudhor. Në një video të publikuar nga televizioni N1, shihet se një pjesëtar i forcave të sigurisë ka larguar gazetaren nga ndërtesa duke përdorur forcë fizike.

Verica Marinçiq thotë se ka ardhur për të parë protestën e paralajmëruar më herët dhe kur ka parë që gazetarët po hyjnë në ndërtesë, i ka ndjekur ata, por në hyrje është pritur nga shefi i kabinetit të kryetarit të komunës, i cili ka thënë se ajo nuk mund të shkonte në konferencë.

“E mora telefonin tim për të incizuar atë që po më thoshte dhe ai më kapi krahun e majtë sepse kisha një telefon në atë dorë dhe më shtrëngoi duke pritur që telefoni të më binte nga dora. Për shkak se nuk doja ta lëshoja, ai më mori telefonin. Kur e pa që të gjitha po incizohej nga një gazetar i N1, u tërhoq. Pas kësaj, doli një burrë nga sigurimi dhe filloi të më shtynte të dilja jashtë”, tha Verica Marinçiq. I gjithë rasti është raportuar në organet kompetente.

Rrjeti SafeJournalists dhe Media Freedom Rapid Response i bëjnë thirrje shtetit që urgjentisht të dërgojë një mesazh se kjo lloj sjelljeje është e papranueshme dhe të dënojë këtë lloj sjelljeje ndaj gazetarëve. SafeJournalists dhe MFRR gjithashtu u bëjnë thirrje zyrtarëve publikë dhe politikanëve që të përmbahen nga targetimi i mediave në Serbi, sepse retorika e tyre inkurajon individët që më vonë të kërcënojnë mediat dhe punonjësit e medias.

Çdo sulm ndaj gazetarëve është sulm ndaj interesit publik, demokracisë dhe të drejtave të të gjithë qytetarëve.


SafeJournalists Network

Association of Journalists of Kosovo

Association of Journalists of Macedonia

BH Journalists Association

Croatian Journalists’ Association

Independent Journalists Association of Serbia

Trade Union of Media of Montenegro

Media Freedom Rapid Response

ARTICLE 19 Europe

European Centre for Press and Media Freedom (ECPMF)

European Federation of Journalists (EFJ)

OBC Transeuropa (OBCT)

Free Press Unlimited (FPU)

International Press Institute (IPI)

Share this Post: