Thirrje për aplikim: Çmimi për raportimin më të mirë mbi Çrrënjosjen e Varfërisë – 2021
Sot më 17 tetor 2021, shënohet Dita Ndërkombëtare për Zhdukjen e Varfërisë.
Kjo ditë domethënëse e avokimit paraqet një mundësi që të njihet përpjekja dhe lufta e njerëzve që jetojnë në varfëri dhe është një mundësi që të dëgjohen shqetësimet e tyre. Ndërtimi i një të ardhme të qëndrueshme kërkon përpjekje të intensifikuara drejt zhdukjes së varfërisë së skajshme dhe diskriminimit dhe duke siguruar që çdonjëri të mund të ushtrojë në tërësi të drejtat e tyre njerëzore.
Për të rritur ndërgjegjësimin për rëndësinë e përpjekjeve për zhdukjen e varfërisë në kontekstin e Kosovës, Asociacioni i Gazetarëve të Kosovës - AGK, në partneritet të ngushtë me UN Kosovo Team (UNKT), përmes Zyrës së Koordinatorit të Zhvillimit, organizon edicionin e 16-të të çmimit vjetor " Çmimi për raportimin më të mirë mbi Çrrënjosjen e Varfërisë ". Kjo ngjarje gjithashtu përkrahet nga korniza e projektit “Promovimi i punës së denjë përmes forcimit të menaxhimit të sigurisë dhe shëndetit në punë, si dhe dialogut social në Kosovë” i cili implementohet nga UNOPS dhe financohet nga Agjencia Suedeze e Bashkëpunimit Ndërkombëtar për Zhvillim (Sida) përmes Ambasadës së Suedisë në Prishtinë".
Qëllimi i Çmimit të Gazetarisë për Varfërinë është të promovojë dhe të rrisë debatin për çështjet dhe shkaqet e varfërisë, dhe të ndikojë në mënyrë indirekte në zvogëlimin e varfërisë duke bërë presion te vendimmarrësit për ndryshimin e politikave.
Konkursi është i hapur për të gjithë gazetarët që janë banorë të Kosovës. Fituesit, autorë të storjeve më të mira do të shpërblehen me nga një çmim prej 1.000,00 € (një mijë euro) për pesë kategoritë si në vijim:
· Video-storja e shkurtër më e mirë
· Dokumentari më i mirë televiziv
· Audio-storja më e mirë
· Storja e shkruar më e mirë
· Fotografia më e mirë
Për më shumë informata dhe kushtet për aplikim, ju lutem shihni termat e referencës që janë në dispozicion në formë elektronike në gjuhën shqipe në dokumentin e dhënë.
Afati i fundit për aplikim është: 31 tetor, 2021, ora 16:00.
Për të aplikuar shkarkoni formën e aplikimit, plotësoni atë dhe dërgoni në adresën elektronike: aplikimet@agk-ks.org
Download
- forma_e_aplikimit_cmimi_per_raportimin_me_te_mire_mbi_crrenjosjen_e_varferise-1.docx
- forma_e_aplikimit_cmimi_per_raportimin_me_te_mire_mbi_crrenjosjen_e_varferise_eng.docx
- nagrada_novinara_za_iskorenjivanje_siromastva_-_2021_obrazac_za_prijavu.docx
- tor_award_for_best_reporting_on_poverty_eradication_-_2021.pdf
- tor_cmimi_per_raportimin_me_te_mire_mbi_crrenjosjen_e_varferise-converted.pdf
- tor_nagrada_za_najbolji_izvestaj_o_iskorenjivanju_siromastva_-_projektni_zadatak_2021-1.pdf
