Udhëzues për luftimin e dhunës në baza gjinore nëpërmjet raportimit të përgjegjshëm
Ky udhëzues ofron një kornizë për raportim të përgjegjshëm të dhunës me bazë gjinore (DhBGj) bazuar në gjetjet dhe rekomandimet nga trajnimi me të njëjtën temë. Qëllimi i tij është të promovojë raportim etik dhe të ndjeshëm që ngrit vetëdijësimin, inkurajon llogaridhënien, mbron anonimitetin dhe konfidencialitetin dhe mbështet viktimat, përfshirë ato nga grupet e margjinalizuara.
DhBGj përfshin akte të dëmshme të kryera kundër individëve bazuar në gjininë e tyre, duke përfshirë abuzimin fizik, seksual, emocional ose ekonomik. Ajo buron nga pushteti i pabarabartë ndërmjet gjinive dhe prek njerëzit e të gjitha moshave, prejardhjeve dhe identiteteve. DhBGj mund të ndodhë brenda marrëdhënieve (romantike), familjeve, hapësirave publike, vendeve të punës dhe në internet.
Me promovimin e praktikave parimore të raportimit, gazetarët mund të rrisin ndërgjegjësimin për DhBGj-në, të sfidojnë normat e dëmshme dhe të kontribuojnë për një shoqëri më gjithëpërfshirëse dhe me të drejta të barabarta gjinore. Është shumë e rëndësishme që të zhvillohen dhe zbatohen udhëzime etike të raportimit për profesionistët e mediave në Kosovë për të siguruar raportim të ndërgjegjshëm, të saktë dhe me fokus tek të mbijetuarit e DhBGj-së. Ofrimi i programeve dhe mundësive të trajnimit për të përmirësuar të kuptuarit e gazetarëve rreth praktikave të raportimit të informuar për traumën si dhe dhe parimet etike është thelbësor.
Mohimi i përgjegjësisë: Ky botim është prodhuar me përkrahjen financiare të Bashkimit Evropian në kuadër të projektit “Luftimi i Diskriminimit, Gjuhës së Urrejtjes dhe Dhunës në Baza Gjinore”. Përmbajtja e këtij botimi është përgjegjësi e ATRC, IKS, D4D dhe AGK, dhe në asnjë mënyrë nuk mund të konsiderohet si qëndrim i Bashkimit Evropian’
