Kërcënime të tjera ndaj medieve dhe organizatave mediale, Kossev, Mitrovicë e Veriut, 01.10.2025
Asociacioni i Gazetarëve të Kosovës (AGK) dënon sjelljen e Radoica Radomiroviq, kandidat për Asamblenë Komunale të Leposaviqit, ndaj redaksisë së portalit nga Mitrovica e Veriut, Kossev.
Radomiroviq, ish-zëvendësministër në Qeverinë e Kosovës, që tashmë garon me listën “Novo Lice – Narodna Prava”, ka ushtruar presion ndaj një gazetareje të Kossev-it për shkak të pyetjeve të parashtruara në një konferencë për shtyp.
Ai i ka kërkuar asaj llogari për pyetjet, duke i sugjeruar madje se çfarë duhet të pyesë. Pas shprehjes së pakënaqësisë nga redaksia, Radomiroviq i ka shkruar kryeredaktores, Tatjana Lazareviq, duke e akuzuar se “Kossev është filial i organizatës kriminale SL (Lista Serbe)”.
AGK-ja dënon fuqishëm këtë sjellje të politikanit Radomiroviq, që përbën intimidim direkt ndaj punës profesionale të gazetarëve.
AGK-ja e fton Radomiroviqin të kërkojë falje, si dhe apelon tek ai dhe të gjithë politikanët që të sillen me përgjegjësi ndaj mediave dhe gazetarëve, veçanërisht gjatë kësaj kohe të fushatës zgjedhore.
| Detajet e raportuesit | Kërcënime të tjera ndaj medieve dhe organizatave mediale, Kossev, Mitrovicë e Veriut, 01.10.2025 |
|---|---|
| Rastet Përshkrimi | Asociacioni i Gazetarëve të Kosovës (AGK) dënon sjelljen e Radoica Radomiroviq, kandidat për Asamblenë Komunale të Leposaviqit, ndaj redaksisë së portalit nga Mitrovica e Veriut, Kossev. Radomiroviq, ish-zëvendësministër në Qeverinë e Kosovës, që tashmë garon me listën “Novo Lice – Narodna Prava”, ka ushtruar presion ndaj një gazetareje të Kossev-it për shkak të pyetjeve të parashtruara në një konferencë për shtyp. Ai i ka kërkuar asaj llogari për pyetjet, duke i sugjeruar madje se çfarë duhet të pyesë. Pas shprehjes së pakënaqësisë nga redaksia, Radomiroviq i ka shkruar kryeredaktores, Tatjana Lazareviq, duke e akuzuar se “Kossev është filial i organizatës kriminale SL (Lista Serbe)”. |
| Shteti | Kosovë |
| Emri dhe Mbiemri | |
| Gjinia | Grup |
| Data | 1.10.2025 |
| Qyteti | Mitrovica Veriore |
| Lloji i incidentit | Kërcënimeve kundër medieve dhe organizatave mediale |
| Nga Kush | Nga personat publik |
| Shkelësi / i dyshuari | Radoica Radomiroviq |
| Lloji i Medias | Online |
| Emri i Medias | Kossev |
| Burimi | Kossev |
| Prokurori Publik | |
| Gjyqësor | |
| Statusi gjyqësor | |
| Përfundimi ligjor | |
| A është njoftuar asociacioni i gazetarëve? | Po |
| A është raportuar incidenti tek policia? | |
| A është raportuar incidenti në prokurori? | |
| Reagimi i asociacionit të gazetarëve | AGK-ja dënon fuqishëm këtë sjellje të politikanit Radomiroviq, që përbën intimidim direkt ndaj punës profesionale të gazetarëve. AGK-ja e fton Radomiroviqin të kërkojë falje, si dhe apelon tek ai dhe të gjithë politikanët që të sillen me përgjegjësi ndaj mediave dhe gazetarëve, veçanërisht gjatë kësaj kohe të fushatës zgjedhore. |